ЦРВЕН КРСТ ОПШТИНСКА ОРГАНИЗАЦИЈА КАВАДАРЦИ ДОНИРАШЕ АПАРАТ ЗА ОПШТА БОЛНИЦА КАВАДАРЦИ

Денес во општа болница Кавадарци за потребите на лабораторијата Црвен крст Општинска Организација Кавадарци донираше апарат за анализа на крв за мали деца и бебиња , за да се избегнат траумите при земање на крв од вена на овие најмлади членови на заедницата.

Во рамките на програмата ПХВ – Промоција на хумани вредности, младите волонтери од училиштата Тошо Велков Пепето и Страшо Пинџур од Кавадарци, заедно со нивниот дисеминатор Даниела Лазовска најпрво направија истражување во болницата за приоритетни потреби и како резултат на тоа истражување излезе дека ваквиот апарат е најнеопходен во моментот и го има само во неколку болници во државата.

Волонтерите изработија свој проект, неколку месеци собираа парични средства, од свои активности, спорстски натпревари, приредби во училиштата, Велигденски пазар на градскиот плоштад.

Исто така  посетија неколку компании како Машинокоп Кавадарци и МИ -Комерц. Со помош од средствата на Хуманитарниот паркинг кој е исто така идеја и проект на Црвениот крст Кавадарци се собраа средствата за апаратот.

Благодарност и до Градоначалникот на Кавадарци Митко Јанчев и Советот на општината кои дадоа подршка на овој проект и со нивни одлуки се реализирани овие активности.