НИКОЈ НЕ ТРЕБА ДА БИДЕ САМ ЗА БАДНИК И БОЖИЌ

На ден 06.01.2025 година во организација на Општина Кавадарци и во соработка со неколку општествено одговорни компании  четврта година по ред се  организира заеднички ручек на градски плоштад.

Идејата е на еден од најдобрите готвачи шеф Горан Филипов кој заедно со уште неколкумина познати професионални готвачи од Македонија се потрудија да ја реализираат и барем на момент да им го доловат празничниот дух на многу наши сограѓани.

Во оваа организација беше вклучен Нега Центарот  и Клубот на млади на Црвен крст на Република Северна Македонија Општинска Организација Кавадарци.

Негувателите од Нега Центарот земаа околу 45 порции од зготвената храна за своите корисници кои живеат сами и беа послужени во нивните домови, а со тоа им овозможија да го почувствуваат празникот Бадник и да ги усреќат за момент, додека волонтерите од клубот на млади помагаа во делење на флаширана вода и сокови.

Корисниците изјавија задоволство и благодарност кон градоначалникот на Општина Кавадарци и негувателите од ООЦК Кавадарци.