ОРИЕНТЕРСКА СЕСИЈА

На 11 Декември во организација на Црвен крст на Република Македонија Општинска организација Кавадарци се одржа ориентерска сесија со дел од вработените лица од Полициска станица ОН Кавадарци.
Бидејќи неколку вработени се веќе дел од Општинската организација како членови или волонтери и следејќи ја работата на Црвениот крст преку социјалните мрежи, кај нив се пројави интерес за поблиско информирање со улогата и задачите на Црвениот крст.
За време на одржувањето на сесијата тие покажаа интерес за вклучување во организацијата со активности од областа на подготвеност и дејствување при елементарни непогоди и катастрофи, социјално хуманитарната и здравствено превентивната дејност, затоа што во соработка на Црвениот крст и ПС ОН Кавадарци континуирано се работи на организирање на активности и настани од претходно споменатите области во кои главни носители се токму вработените со помош и подршка на одговорните лица.
Учесниците на сесијата изразија благодарност и задоволство од самата сесија, поттикнати за давање на нивен придонес со свои идеи во развој на локалната заедница заедно со останатите волонтери и членови на Црвениот крст и нивно активно вклучување во општинската организација.