ТРАДИЦИОНАЛНА КРВОДАРИТЕЛСКА АКЦИЈА “ЗА ХУМАНИОТ СО ХУМАНОСТ” ВО ЧЕСТ НА МАРЈАН ЗАХАРЧЕВ

На ден 05.07.2024 година во организација на Црвен крст на Република Северна Македонија Општинска Организација Кавадарци, а во соработка со другарите и фамилијата на починатиот Марјан Захарчев, екипата од ИТМ Скопје спроведе уште една крводарителска акција во просториите на Дом на култура “Иван Мазов Климе” Кавадарци “ За Хуманиот со Хуманост”.

На оваа крводарителска акција беше пројавен голем интерес за крводарување и притоа беа дарувани 52 единици крв.

Оваа акција се спроведува четвртта година по ред во чест на починатиот која прерасна во традиционална крводарителска акција “ За Хуманиот со Хуманост “ – Марјан Захарчев.

Како секоја година и оваа акцијата беше проследена од локалните медиумите.