УСПЕШНО РЕАЛИЗИРАНА КРВОДАРИТЕЛСКАТА АКЦИЈА ВО ГРАНИЧНА ПОЛИЦИЈА РЦ-ЈУГ

Во организација на Црвен крст на Република Северна Македонија Општинска Организација Кавадарци, Полициска станица – Општа надлежност Кавадарци и Гранична полиција – Регионален центар Југ на 14.11.2023 година, тимот од ИТМ  Скопје во просториите на Гранична полиција спроведоа доброволна крводарителска акција каде вработените и овој пат како и во годините наназад ја покажаа својата хуманост и солидарност кон болните и повредените дарувајќи крв.

Акцијата ја изведе екипа од Институтот за трансфузиона медицина на РСМ Скопје и притоа дарувани се 16 единици крв.

Голема благодарност до вработените од безбедносните служби на овие две институции кои покрај својата редовна работа, одржување на безбедност на граѓаните, секоја година преку две крводарителски акции во годината одбезбедуваат доста единици крв, даваат поддршка и помош на граѓанството од Кавадарци, Росоман и пошироко во државата, а со тоа хуманоста кај овие луѓе од година во година се повеќе се зголемува.